Recen instalado o meu novo e flamante openSUSE 11.2, dispúxenme a instalar o aMule e arggg!! isto non ten apt!!
Xa non me acordaba deste detalle, pero que se lle vai facer, non pasa nada. Así que funlle preguntar ao me amigo Mr Google a ver que pasaba con isto do openSUSE, como demo funciona o tema dos repositorios.
O máis interesante que atopei foi unha páxina de paquetes para openSUSE chamada packman.links2linux.org, o realmente interesante desta web é que podes engadila como repositorio para openSUSE. Como se fai isto? Pois fácil e para toda a familia!
Sería:
Dende esta páxina web podemos atopar varios repositorios entre os que se atopa o de Packman.
http://en.opensuse.org/Additional_YaST_Package_Repositories#Popular_external_repositories
Aquí escollemos o repositorio da versión 11.2 que queremos engadir, e vamos ao Yast>Software>Repositorios de software e dámoslle a engadir. Seleccionamos “Especificar URL…” e en URL engadimos o enderezo do repositorio que no meu caso foi
http://packman.jacobs-university.de/suse/11.2/
O resto do proceso resúmese en seguinte, seguinte seguinte.
Unha vez engadido o repositorio dispúxenme a volver a intentar instalar o aMule, e foi tan sinxelo como abrir unha Konsole e escribir:
zypper search amule //Para buscar o paquete para saber como se chama realmente
sudo zypper install amule //Para instalalo
